Skip to content

start:

OpenOffice.org par furlan


Cemût deventâ un colaboradôr


Contribuìs a OpenOffice.org par furlan


Benvignût!

Par tacâ, o vin voie di dâti in nestri benvignût di cûr te nestre Comunitât! O sin content che tu tu nus puedis judâ. Tu? Sì, propit, Tu! Lis personis impegnadis ta chest progjet open source a apartegnin a lis categoriis plui diviersis: students, insegnants, programadôrs (professionâi o amatoriâi), managers, storics (!), linguiscj. Duncje, par no ingherdeâ masse la comunicazion, o sin usâts a dâsi dal "Tu" e mantignî i rapuarts cence masse formalisims. Dopo dut al sarà il To contribût al progjet a determinâ il To rûl te Comunitât, e no dal sigûr il titul di studi o la posizion professionâl! La prime domande che nus fasin e je: cemût puedio dâ une man? Ta chest document o provarìn a dâ une rispueste.

Pe version furlane, l'aspiet plui impuartant al è chel di realizâ une traduzion corete de terminologjie doprade tai botons di comant e tai diviers schemis di visualizazion.
Par chest tu varâs di dimostrâ di cognossi pardabon ben la lenghe furlane e lis regulis de grafie uficiâl.

Mande une mail a cheste direzion di pueste eletroniche, specificant lis tôs competencis, tu sarâs contatât in curt: fur.openoffice@tecnoteca.com.

« Presentazion dal progjet