Skip to content

start:

OpenOffice.org par furlan


Presentazion dal progjet


OpenOffice.org al è un pacut logjic par ufici multiplateforme e multilengâl e un progjet open-source. Compatibil cun chei altris pacuts logjics par ufici, al è pussibil discjamâ, doprâ e distribuî il prodot in maniere gratuite. Par judâ a cressi la comunitât, ven cun noaltris e devente un colaboradôr.

OpenOffice par furlan, une progjet nassût de colaborazion tra Comun di Tavagnà e Tecnoteca srl, e je la version in lenghe furlane di chest impuartant prodot open source.

La lenghe furlane e pues svantâ une lungje storie e tradizion. Ma il furlan no je dome la lenghe des tradizions, dal passât di un mont contadin o la lenghe dai afiets. Il furlan e je une lenghe vive che si insiore di significâts e contignûts gnûfs parcè che ancje il Friûl nol è une regjon isolade, ma al à voie di jessi protagonist dai gambiaments che a sucedin te societât, come il disvilup des gnovis tecnologjiis. Te ete di internet e de informatiche nol podeve mancjâ un voli di rivuart "furlan" e duncje ve chi che al nas il progjet di une version furlane di OpenOffice, il pacut logjic di programs informatics open surce plui cognossût tal mont.

Ognidun di voaltris al pues partecipâ in maniere libare a disvilupâ chest imprest. Par podê contribuî al disvilup pe traduzion di OpenOffice par furlan al covente che i colaboradôrs a vedin no dome une otime paronance orâl de lenghe furlane, ma ancje une otime cognossince de lenghe furlane scrite daûr des regulis de grafie uficiâl de LR15/1996.
Us preìn di informânus se o vês chestis competencis in maniere che chest progjet al podedi jessi puartât indevant te miôr maniere pussibile e ufrî cussì un imprest di alte cualitât a ducj i utents di OpenOffice par furlan.

I promotôrs dal progjet
Cul patrocini e la colaborazion di...
A ce covential?
Cemût deventâ un colaboradôr
I pas dal progjet

Ringraziaments:
La version furlane di OpenOffice e je nassude midiant dal impegn e de passion di chestis personis, che o ringraziin di cûr pal fondamentâl jutori che nus àn dât:
Christian Romanini, Simone Sbaiz, Davide Dozza, Luca Peresson......